Gardentasuna

Eskaera bat izapidetzeko, sakatu hemen.

Zuzendari kudeatzailea edo sozietatean ordezkaritza-ahalmena duten beste figura batzuk dira informazio publikoa atzitzeko eskaerak ebazteko organo eskuduna.

Oro har, informazio publikoaren eskaerari hilabeteko epean erantzun beharko zaio, dagokion erregistroan sartzen den egunetik zenbatzen hasita.

Epe hori beste hilabete batez luza daiteke, informazioaren bolumena eta konplexutasuna direla-eta ezinezkoa bada lehen adierazitako epean ematea. Kasu horretan, ebazpena epe horretan ematea justifikatzen duten arrazoien berri eman beharko zaio eskatzaileari, gehienez ere hamar eguneko epean.

Atzitzeko eskubideak muga batzuk ditu, Gardentasunari, Informazio Publikoa Eskuratzeko Bideari eta Gobernu Onari buruzko maiatzaren 17ko 5/2018 Foru Legearen 31. artikuluan jasota daudenak, honako hauei kalte egiten dienean:

• Segurtasun publikoari.
• Erabakiak hartzeko prozesuetan eskatzen den konfidentzialtasuna edo sekretua bermatzeari.
• Zigor-, administrazio- edo diziplina-arloko arau-hausteak prebenitzeari, ikertzeari eta zigortzeari.
• Prozesu judizialetako alderdien berdintasunari eta babes judizial eraginkorrari.
• Zaintza-, ikuskapen- eta kontrol-funtzio administratiboei.
• Bidezko interes ekonomiko eta komertzialei, baina hargatik hitzarmen, kontratu eta bestelako administrazio-egintzen publizitateari eragotzi gabe, foru lege honen arabera.
• Sekretu profesionalari eta jabetza intelektualari eta industrialari.
• Ingurumena babesteari.
• Lege mailako arauek erreserbatutzat edo babestutzat jotako informazioari.

Muga horiek, nolanahi ere, modu proportzionatuan aplikatuko dira helburuaren eta babes-xedearen arabera, eta modu murriztailean eta justifikatuan interpretatu beharko da.

Muga horiek legeek zehaztutako denbora-tartean bakarrik aplikatuko dira, edo horiek justifikatzen dituen arrazoiak irauten duen bitartean.

Honako eskaera hauek ez dira izapidetzeko onartuko, ebazpen arrazoitu bidez:

• Legeak atzitzeko eskubidetik kanpo uzten duen informazioari buruzkoak badira.
• Zuzentzen den erakundearen esku ez dagoen informazioari buruzkoak direnean eta eskuduna ezagutzen ez denean.
• Kontsulta juridikoei erantzuteko eskaerei edo txostenak edo irizpenak egiteko eskaerei dagozkienak.
• Neurrigabekotzat jotzen direnean, argi eta garbi arrazoigabeak edo errepikakorrak direlako edo eskubideaz neurriz kanpo abusatzea dakartelako.
• Prestaketa-dokumentazioari, egiten ari diren materialari edo amaitu gabeko dokumentu edo datuei buruzkoak direnean, eta administrazio-espedientekoak ez direnean.
• Bukatugabeak: Erakunde barruan oraindik lantzen ari diren eta irizpenik, txostenik edo onespenik eman ez zaien txostenak.
• Kasu horretan, ebazteko eskumena duen organoak eskatzaileari jakinarazi beharko dio zenbat denbora aurreikusten den hura egiteko.
• Izaera osagarria edo lagungarria duten informazioei buruzkoak badira, hala nola:
• Garrantzi publikorik edo interes publikorik ez duten oharrak, zirriborroak, iritziak, barne-erabilerako laburpenak edo barne-komunikazioak.
• Ez dira halakotzat hartzen: txosten juridikoak, teknikoak, ekonomikoak eta beste maila batekoak, espedientekoak badira edo ebazpenekin eta beste administrazio-egintza batzuekin zerikusia badute.
• Informazioa zabaltzeko, berriz landu behar bada aldez aurretik.

Ez da berriz landu beharrezkotzat hartzen erabilera arrunteko tratamendu informatizatu baten bidez lor daitekeen informazioa, ez eta sakabanatutako informazioa hainbat dokumentutan biltzea eskatzen duen ekintza ere.

Herritarren informazio publikorako eskubidea gauzatzeko, Bidean-ek Informazio Publikoaren Unitate Arduradun bat (IPUA) izendatu du, 5/2018 Foru Legean ezarritako betebeharrak garaiz eta behar bezala izapidetzeko. IPUArekin harremanetan jar zaitezke transparencia@bideansalud.es helbidearen bidez edo 848.420.872 telefono-zenbakira deituta.

Bidean-en helburua Osasunbideako osasun-lekualdaketarako zerbitzua ematea da, hala behar badute, pazientearen beharretara egokitzeko segurtasun- eta irisgarritasun-baldintzetan, prestazio horretan parte hartzen duten gainerako dispositibo publikoekin koordinatuta, une bakoitzean indarrean dauden zerbitzu-estandarren arabera.

Emandako zerbitzuen funtzionamenduari buruzko kexa aurkeztu nahi baduzu, helbide elektroniko honetara jo dezakezu: bidean@bideansalud.es.

• Sozietatea sortzeko gobernu-erabakia (PDF. 74 kB)
• Sozietatearen indarreko estatutuak (PDF. 182 kB)

Nafarroako Ondareari buruzko apirilaren 4ko 14/2007 Foru Legearen 106. artikuluak dioenaren arabera, «Sozietate publikoak ordenamendu juridiko pribatuaren arabera arautuko dira, baina hargatik foru lege honetan eta aurrekontuen, kontabilitatearen, finantza-kontrolaren eta kontratazioen arloetan aplikatu beharreko administrazio-araudian ezarritako berezitasunei kalterik egin gabe».

Nafarroako Bulegoen eta Langelen Sektoreko Hitzarmen Kolektiboa aplikatu beharko zaio Bidean-i.

Enpresako arloak eta organigrama (PDF. 116 kB)

Gobernu-, administrazio- eta zuzendaritza-organoen osaera eta horien karguak 

Sozietatearen estatutuetan ezarritakoaren arabera, Administrazio Kontseilu batek administratu eta ordezkatuko du Bidean. Kontseiluak kide anitzeko kontseilu gisa jardungo du, eta gutxienez hiru eta gehienez hamabi kontseilarik osatuko dute.

Administrazio Kontseiluko presidentea Nafarroako Gobernuko Osasun Saileko titularra izango da, betiere Administrazio Kontseiluko kide bada.

2023ko ekainaren 26an, Bidean-ek bere egungo Administrazio Kontseilua izendatu zuen, hamaika kidek osatua:

• Presidentea: Fernando Domínguez Cunchillos
• Presidenteordea: Antonio López Andrés
• Kontseilari delegatua: Kiko Betelu Corcuera
• Kideak:
  • Patricia Serra Arbeloa
  • Patxi Esparza Sánchez
  • Javier Turumbay Ranz
  • Milagros Larrayoz Dutrey
  • Jean Louis Clint Lawrence
  • José Javier Boulandier Herrera
  • Alfredo Martínez Larrea
  • Pilar García García
• Idazkari ez-kontseilaria: : Jorge Aleixandre Micheo
• Idazkariorde ez-kontseilaria: Ignacio Brun Garisoain

Administrazio Kontseiluaren ordainsariak

INIren Administrazio Kontseilua osatzen duen kargu bakoitzak aurreko urtean (2023) jasotako ordainsari gordinak eta gainerako konpentsazio ekonomikoak:

• Fernando Domínguez Cunchillos: Ez du erakundearen ordainsaririk edo konpentsazio ekonomikorik jaso.
• Antonio López Andrés: Ez du erakundearen ordainsaririk edo konpentsazio ekonomikorik jaso.
• Kiko Betelu Corcuera: 350 euro gordin jaso ditu Administrazio Kontseiluaren bileretara joateagatik.
• Patricia Serra Arbeloa: Ez du erakundearen ordainsaririk edo konpentsazio ekonomikorik jaso.
• Patxi Esparza Sánchez: Ez du erakundearen ordainsaririk edo konpentsazio ekonomikorik jaso.
• Javier Turumbay Ranz: Ez du erakundearen ordainsaririk edo konpentsazio ekonomikorik jaso.
• Milagros Larrayoz Dutrey: Ez du erakundearen ordainsaririk edo konpentsazio ekonomikorik jaso.
• Jean Louis Clint Lawrence: Ez du erakundearen ordainsaririk edo konpentsazio ekonomikorik jaso.
• José Javier Boulandier Herrera: Ez du erakundearen ordainsaririk edo konpentsazio ekonomikorik jaso.
• Alfredo Martínez Larrea: Ez du erakundearen ordainsaririk edo konpentsazio ekonomikorik jaso. 
• Pilar García García: Ez du erakundearen ordainsaririk edo konpentsazio ekonomikorik jaso. 

Gobernu-, administrazio- eta zuzendaritza-eginkizunak egiteko dedikazio-erregimena

• Administrazio Kontseiluko kideak: Karguei dagozkien eginkizunak betetzeko behar diren saioetara joatea eta behar den dedikazioa bideratzea.
• Bidean-eko zuzendari kudeatzailea: Bere karguari datxezkion eginkizunak, Administrazio Kontseiluak ahalordetutako ahalmenen arabera.

Bidean-eko lanpostuak Nafarroako Bulegoen eta Langelen Sektoreko Hitzarmen Kolektiboan zehaztutako lanbide-taldeen arabera sailkatzen dira:

1. lanbide-taldea. Talde honetako langileek erantzukizun zuzena dute enpresako arlo funtzional baten edo batzuen kudeaketan, edo konplexutasun eta kualifikazio handieneko zeregin teknikoak egiten dituzte. Erabakiak hartzen dituzte edo erabaki horiek egiten parte hartzen du, baita helburu zehatzak zehazten ere. Autonomia, ekimen eta erantzukizun handiz betetzen ditu bere eginkizunak.

Heziketa: Goi-mailako unibertsitate-titulua edo ezagutza baliokideak, enpresak parekatuak, edo lanbide-sektorean esperientzia finkatua dutenak.

2. lanbide-taldea. Autonomia-, ekimen- eta erantzukizun-maila handia duten profesionalak dira, eta zeregin tekniko konplexuak egiten dituzte, helburu global definituak dituztenak edo eduki intelektual edo giza harreman handia dutenak. Baita arlo funtzional berean laguntzaile talde batek egindako eginkizunak integratzeko, koordinatzeko eta gainbegiratzeko zuzeneko arduradunak ere.

Heziketa: Edozein graduko unibertsitate-titulazioa edo enpresak parekatutako ezagutza baliokideak, bere lanbide-sektorean esperientzia luzearekin osatua. Aldi baterako, goi-mailako unibertsitate-ikasketak eduki ahal izango dituzte, eta talde honetan zehaztutako lanpostuekin parekatu ahal izango dira: "Sarrerako goi-mailako tituludunak".

3. lanbide-taldea. Aginte-erantzukizunarekin edo gabe, jarduera intelektualeko eta giza harremanetako batez besteko edukia duten zereginak egiten dituzten langileak dira, konplexutasun tekniko ertaineko aginduen esparruan, eta autonomia dutenak prozesuaren barruan. Zeregin homogeneoak integratzea, koordinatzea eta gainbegiratzea dakarten eginkizunak betetzen dituzte, antolaketa-fase txikiagoan laguntzaile batzuek egindakoak.

Heziketa: Erdi-mailako titulazioa, bigarren mailako teknikari espezialista edo lanpostuan esperientzia luzea duena.

4. lanbide-taldea (lehengo 1. mailako ofiziala). Exekuzio autonomoko lanak egiten dituzten langileak, normalean lan horiek gauzatzeko ardura duten pertsonen ekimena eta arrazoiketa eskatzen dutenak, eta, gainbegiratuta, lan horien erantzukizuna dutenak, aginte-erantzukizunarekin. Heziketa: Batxilergoa, BBB edo baliokidea edo teknikari espezialistak (3. mailako moduluak), lanpostuari buruzko heziketarekin osatuta; halakorik ezean, lanbidea betetzean eskuratutako ezagutzak.

5. lanbide-taldea. Agintearen edo kualifikazio handieneko profesionalen mende egiten diren zereginak, enpresa bakoitzaren eskemaren barruan, normalean gainbegiratuta, baina norberaren ekimenez, ezagutza profesionalekin edo egokitzapen-aldi batekin.

Heziketa: Batxilergoa, BBB eta teknikari laguntzaileak, beren lanbidean aritzean eskuratutako ezagutzak (2. mailako moduluak), titulaziorik gabeko ikasleak, lanpostuan heziketa espezifikoa dutenak edo beren lanbidea betetzean eskuratutako ezagutzak dituztenak.

6. lanbide-taldea. Mendekotasun-maila handiarekin egiten diren zereginak, argi eta garbi ezarrita daudenak, jarraibide espezifikoekin. Baliteke ahalegin fisikoa egin behar izatea, prestakuntza eskasa edo oinarrizko ezagutzak izan behar dituzte, eta, batzuetan, egokitzapen-aldi txiki bat behar izan dezakete.

Heziketa: Nahitaezko oinarrizko mailetakoa eta, kasuren batean, bulegoko zereginetarako hastapenekoa. Derrigorrezko Bigarren Hezkuntza (DBH) edo teknikari laguntzailea (2. mailako modulua) edo lanbidea betetzean eskuratutako ezagutzak.

Kontsultatu hemen langileei buruzko datuak (PDF. 40 kB)

Gaur egun, Bidean-en ez dago langileen ordezkaritzarik.

Ikusi hemen Nafarroako sozietate publikoetako lan-eskaintzak.

Administrazio Publikoen Zerbitzuko Langileen Bateraezintasunei buruzko abenduaren 26ko 53/84 Lege Organikoak honako hau zehazten du:

Ez dago jarduera pribatuetan aritzeko bateraezintasunik, eginbeharrak zorrotz betetzea eragozten edo kaltetzen ez badute edo haien inpartzialtasuna edo independentzia arriskuan jartzen ez badute. Arau orokor gisa, Zerbitzu Publikoetako langileek ezin izango dituzte beren jarduerak bateragarri egin sektore publikoan kargua edo jarduera duen bigarren lanpostu batean aritzearekin, salbuespen hauetan izan ezik:

• Irakaskuntza-funtzioak
• Osasun-funtzioak

Bigarren jarduera egiteko, ezinbestekoa izango da aldez aurretik berariazko bateragarritasun-baimena ematea. Baimen horrek ez du ekarriko bi lanpostuetako lanaldia eta ordutegia aldatzea, eta bi lanpostuetan zorrotz bete beharko dira. Nolanahi ere, bateragarritasun-baimena interes publikoaren arabera emango da.

Bidean-en, gaur egun, ez dago bateragarritasun-aitortzarik.

Bidean-ek ez du planik ez programarik.

Bidean-en, gaur egun, ez da herritarren partaidetza-prozesurik egin.

Bidean-i, gaur egun, ez dagokio itxaron-zerrendei buruzko zirkunstantziarik.

Bidean-ek ez du jendaurrean jarri den informaziorik.

Bidean-ek ez ditu oraindik formalizatu 2023ko urteko kontuak.

Bidean-ek ez du auditoretza- eta fiskalizazio-txostenik.

Kontu Irekiei buruzko azaroaren 11ko 16/2016 Foru Legeak irekitzat eta eskuragarritzat jotzen ditu Nafarroako Foru Komunitateko Administrazioaren finantza-erakundeetan, hari lotutako edo haren mendeko erakunde publikoetan, sozietate publikoetan, fundazio publikoetan eta zuzenbide publikoko entitateetan irekitako banku-kontu guztiak, Gardentasunari eta Gobernu Irekiari buruzko ekainaren 21eko 11/2012 Foru Legearen 2. artikuluaren eremu subjektiboaren barruan jasota daudenak.

Uztailaren 19ko 69/2017 Foru Dekretuaren bidez, Nafarroako Foru Komunitateko Administrazioaren eta hari lotutako edo haren mendeko organismo, sozietate eta fundazio publikoen banku-kontuei buruzko informazioaren argitalpena arautzen da.

Kontsultatu hemen Bidean-en kontu irekiak.

2023ko abenduaren 31n, Bidean-ek ez zuen mailegurik indarrean.

Bidean-ek ez du, gaur egun, bermerik eman.

Gaur egun, Bidean-ek ez dauka finantza-errentamenduko eragiketa aktiborik.

Gaur egun ez dago daturik.

Informazio publikoaren eskaerak Gobernu Irekiaren atariaren bidez izapidetuko dira.